Mimando si Cebu Provincial Governor Pamela “Pam” Baricuatro sa paghangop sa mga buhatan sa Kagamhanang Lalawigan sa four-day work week ug striktong pagpatuman sa energy conservation measures.
Nanukad kini sa paglagda ni Gov. Baricuatro sa Executive Order No. 16 nga gipirmahan niadtong Lunes, Marso 9 nag nagtumong sa pagkonserbar sa enerhiya sa Kapitolyo sa Sugbo ug sa mga buhatan niini.
Apan, gilatid sab sa samang mando nga bisan paman sa tinguha sa pagkonserbar sa krudo ug kuryente kay dapat dili kini makabalda sa mga batakang serbisyo partikular na ang frontline services sama sa health services, public safety, disaster response ug uban pa kay gikinahanglan gihapon kini silang fully operational.
Nagpanikad ang maong inisyatiba human ang Malacañan miluwat sa Memorandum Circular No. 114, series of 2026 nga nagmando sa nasudnong gobyerno ug lokal nga panggamhanan sa pagtuman og striktong adopt stricter energy conservation practices ug flexible work arrangements.
Ang pagpatuman sa Executive Order kay maglangkob sab sa mga lungsod ug component cities sa probinsya alang sa upat-ka adlaw nga trabaho sulod sa usa ka semana diin ang pagtuman sa 40-hour weekly work requirement kay manukad sa rekisitos nga itakda sa Civil Service Commission (CSC).
Maglatag kini sa ika-limang adlaw (Biyernes) isip designated work-from-home samtang ang ubang adlaw kay adunay extended working hours.
Sa samang higayon, magpatuman sab kini sa energy-saving protocols sa government buildings diin adunay limitasyon ang pagkonsumo sa kuryente ug pagdasig sa pagpahigayon sa virtual meeting tandi kung mag face-to-face meeting.
Pinaagi niini, gilauman ang laslas sa 10-20% nga konsumo sa kuryente gikan sa mga LGUs nga makatampo sa pagtigom sa suplay sa kuryente sa probinsya.
