CEBU CITY-Andam na ang Grandstand alang sa Sinulog Grand Ritual Showdown 2024 nga ipahigayon sa Cebu South Road Properties karon Enero 21, 2024.
Kini ang gitino ni Cebu City Councilor Jerry Guardo nga 100% ready na ang grandstand ingun man ang venue sa SRP diin nga sa miaging semana, daghan na nga contingents ang naka blocking sa maong venue.
Gibutyag usab ni Guardo nga ang entablado mas gipalapdan aron nga mas
maka-accomodate ug mas daghang tawo nga mosalmot sa Sinulog Grand Ritual Showdown.
Samtang moabot na ngadto sa 123 ang mosalmot sa Sinulog grand parade 2024 sa South Road Properties (SRP).
Dugang niini, aduna pa hinouy “added attraction” nga mao ang “cosplay”, diin makita ang nagkalainlaing mga nag-costume nga nagsundog sa mga tawo sa pelikula, libro, video games, anime, ug uban pa.
Sa pagkakaron, matod pa ni Mayor Michael Rama nga “almost final” na o hapit na gyud mahuman kung pila gyud ang gidaghanon sa mga mangapil.
