CEBU CITY-‘Good idea’ alang kang Kapitan Victor Buendia sa barangay Labangon ang ‘granular lock-down’. Kini tungod kay matud pa sa kapitan sa dihang nahinabi sa Bombo Radyo Cebu sa tulumanong Bombo Barangayan, usa kini ka paagi o basehan nga madisiplina usab ang mga lumulopyo sa laing sitio.
Sa nasayran, ang corner A. Lopez Balaga ngadto sa Sitio Cekalco ang maoy gilock-down karon sa barangay Labangon kung diin niadtong adlaw nga Dominggo, Hulyo 26 ,mao ang pagput-up nila sa mga tent alang sa mga frontliner nga maoy magbantay sa maong dapit.
Matud pa usab ni Buendia nga 3 ka mga individual ang nagpositibo sa maong Sitio apan pinasikad na sa data ug sa Inter Agency Task Force (IATF) kung dunay magpositive sa usa ka sitio bisan pa og usa lang, i-lockdwon gyud kini.
Gitino usab ni sa kapitan nga ang 1 million oesos nga gikan sa city govt ang igo ra usab alang sa ayuda sa barangay ilabina sa gi-lock-down nga sitio ug gani mas angayan matud pa nga tigomon kining maong kwarta og dili angayan diritsoon og gasto.
Nagtoo usab ang kapitan nga hangtud wala pay vaccine naa gyud gihapon ang virus sa palibot.
