CEBU CITY — Usa ka groom sa Indonesia ang hapit maminyo sa babaye nga dili mao ang pangasaw-unon niini human maamong sa kahimanan nga gigamit aron mao unta ang maggiya niini sa ‘venue’ sa ilang kasal.
Nasayran nga nigamit sa moderno nga kahimanan ang groom aron mahatod sa venue sa iyang kasal apan na-adto kini sa sayop nga address.
Natumong usab nga sa address nga gi-locate sa maong mapa, aduna usa’y kaslunon nga ‘couple’, hinungdan nga dako na kaayo ang pagtuo sa groom nga mao na kadto ang venue ug naghuwat na ang bride niini.
Mao nga dako na lang ang pagka hingangha sa ‘entourage’ sa dihang dili man mao ang bride nga anaa sa maong address.
Gumikan sa maong ‘awkward moment’, imbis nga magpadala sa kauwaw, nakig ‘shake hands’ na lang ang groom ingon man ang mga kauban niini ngadto sa pamilya sa kaslunon usab.
Dali ra pud dayon nga nakabiya ang entourage aron mangita sa tukmang address sa wedding venue. (Bombo Glenda Sabenorio)
