METRO MANILA-Magsugod na karong adlawa ang pagmantala sa guidelines sa unang umento sa sweldo sa mga trabahante sa gobyerno.
Ang katuyoan niini mao ang pagsunod sa gitakdang panahon sa pagpatuman sa usa ka balaod.
Kini human nihatag og “go signal” ang Department of Budget and Management (DBM) ngadto sa mga ahensya sa gobyerno nga ihatag ang usbaw nga suholan sa ilang mga kawani.
Matod ni Budget Secretary Amenah Pangandaman, gilagdaan na ang guidelines alang sa salary increase adjustments sa mga trabahante sa mga buhatan sa gobyerno.
Kabahin sa isyu sa pundo nga gamiton, kuhaan kini sa personnel services budget sa mga ahensya ug kon kulang, dugangan kini gikan sa miscellaneous personnel benefits fund.
Apan nagdepende gihapon kini sa kapaspas sa pagproseso sa Human Resources Department sa matag ahensya sa gobyerno nga sakop sa balaod.
