CEBU CITY — Padayon ang imbestigasyon sa otoridad sa pagka-disgrasya sa usa ka gyrocopter sa Brgy. Jampang, Argao, Cebu diin patay ang pilot niini nga usa ka langyaw.
Sa inisyal nga imbestigasyon sa Argao Police Station, nasalbar pa sa mga personahe sa Argao Disaster Risk Reduction Management Office (DRRMO) ang piloto nga si Ferris Kauley, usa ka French national.
Gisuway kini og dala sa tambalanan apan nitaliwan ang piloto ug gideklarar sa mga doktor nga dead on arrival.
Lakip sa gilantaw nga posibilidad mao ang pagkalambod sa maong sport aircraft sa usa ka punu-an sa lugar.
Nasayran nga sikat maong klase sa sakyanan sa dapit diin ang uban niini girentahan matod pa sa mga turista aron makita ang Sugbo.
Samtang gi-kontak na sa otoridad ang kabanay sa biktima subay sa nahitabong insidente. (gbs/gn)
