Gipasiugda ni Atty. Rameses Victorious Villagonzalo nga ang mga typographical errors, sama sa sayop sa mga ngalan, numero, o letra sa mga dokumento, dili makaapekto sa merito sa kaso sa impeachment.
Sumala ni Atty. Villagonzalo, kon kini usa ka ordinaryong “criminal case,” ang maong mga sayop sa typographical mahimong gamiton ug pahimuslan sa depensa o sa habig sa akusado alang sa ilang kaugalingong kaayohan.
Apan, tungod kay usa kini ka “impeachment case,” mamahimo lamang nga ikonsiderar kini nga “harmless error.”
Gipasabot sa abogado nga ang pangunang isyu nga kinahanglan sulbaron, kung nanghulga ba gayud ang Bise Presidente (VP) sa Presidente atol sa press conference.
Dugang niini nga ang kaso mobalik lang sa pangunang isyu, busa ang gagmay nga mga teknikal nga sayop sa dokumento dili igo aron mausab ang dagan o gibug-aton sa kaso.
