LEBANON-Gibutyag sa Hezbollah Lebanon niadtong Huwebes, Hulyo 4, ang paglunsad og kapin sa 200 ka mga rocket ug usa ka panon sa mga drone ngadto sa 10 ka mga lugar sa militar sa Israel isip tubag sa pagpatay sa usa sa mga top commander sa Iran-aligned group sa habagatang Lebanon niadtong Miyerkules, Hulyo 3, 2024.
Pinaagi sa usa ka tigpamaba sa militar sa Israel miingon nga ang pag-angkon sa Hezbollah gisusi, samtang ang medikal team mibutyag nga walay mga kaswalti nga gitaho.
Nagsugod ang barrage niadtong Huwebes sunod sa labing menos duha ka pag-atake niadtong Miyerkules agig tubag sa Hezbollah ngadto sa pagpamatay ni Mohammed Nasser.
Sigon pa sa militanteng grupo nga naglunsad kini og 100 ka Katyusha rockets sa usa ka base militar sa Israel sa Golan ug sa iyang Iranian-made Falaq missiles sa laing base sa lungsod sa Kiryat Shmona duol sa utlanan sa Israel-Lebanon niadtong Miyerkules.
Kung kahinumdum nga si Nasser napatay sa usa ka airstrike duol sa siyudad sa Tiro sa habagatang Lebanon,siya maoy usa sa labing senior nga mga kumander sa Hezbollah nga namatay sa maong panagbangi.
