-- ADVERTISEMENT --
ISRAEL,TEL AVIV-Giangkon sa mga rebeldeng Houthi sa Yemen ang responsibilidad sa pag-atake sa drone sa Tel Aviv.
Sumala sa Iranian proxy group, nga ang pag-atake kay tubag sa gubat sa Israel batok sa Hamas sa Gaza.
Usa ka pag-atake sa drone sa central district sa Israel nga miresulta sa pagkamatay sa usa ka 50-anyos nga lalaki ug pagkaangol sa 10 pa ka indibidwal.
Gipanghambog sa tigpamaba sa Houthi nga ang operasyon militar kay nagmalampuson nga gihimo pinaagi sa bypass sa mga sistema sa interception sa mga kaaway.
Giinsistir usab niini nga dili nila hunongon ang pag-atake sa drone aron mahatagan og hustisya ang ilang mga kaubanan nga nangamatay.
-- ADVERTISEMENT --
