Gikanselar ni US President Donald Trump, ang hulga nga atakehon ang mga energy plant sa Iran human sa iyang gibutyag nga mabungahon nga mga panagpulong tali sa duha ka nasud, usa ka pahayag nga kusganong gihimakak sa Tehran.
Sumala ni Trump, ang US ug Iran nagpahigayon og mga negosasyon alang sa kompleto ug hingpit nga resolusyon sa mga panag-bangi sa Middle East.
Tungod niini, wala niya gidayun ang nakalabay nga 48-hours deadline nga gihatag niini niadtong Sabado, diin gihulga niini ang pagguba sa mga pasilidad sa Iran kung ang Strait of Hormuz dili maablihan pag-usab.
Tungod niini diha-diha dayon nagpaus-os sa presyo sa lana ug gas sa merkado sa kalibutan.
Una niini, aduna nay panagpulong nga nahitabo tali ni US Pres. Trump og UK Prime Minister Kier Starmer, diin ilang giinsistir nga ang pag-abli sa nahisgutang strait mahinungdanon alang sa pagbalik sa normal nga global shipping.
Taliwala sa mga gibutyag ni Trump, usa ka wala nganli nga source gikan sa usa ka Iranian News Agency ang nagpasiugda nga walay direktang panagpulong nga nahitabo tali ni Trump ug sa Tehran.
