Nakatala og bag-ong makasaysayanong milestone ang teknolohiya sa China human ang usa ka humanoid robot nagpakita og kapaspas nga nilabaw sa 100-meter world record sa legendary Jamaican sprinter nga si Usain Bolt.
Sumala sa state broadcaster sa China, gipadayag nga ang robot nga gitawag ug “Lightning” nga gidisenyo ug gipahimutang sa Chinese smartphone maker nga Honor, nakatala og oras nga 9.32 ka segundo sa 100 meters.
Nahitabo kini sa usa ka preparatory test event para sa World Humanoid Robot Games nga gipahigayon sa Beijing.
Mas paspas kini kumpara sa 9.58 ka segundo nga world record nga gihuptan ni Bolt sukad pa noong 2009, diin miabot usab sa peak speed nga 14.5 meters per second ang maong robot.
Dili usab kini ang unang higayon nga nagpakita og makangangha nga performance si Lightning, tungod kay niadtong Abril, nagmalampuson usab kini sa pagdaog sa 21-kilometer Beijing half-marathon sa oras nga 50 minuto ug 26 ka segundo, usa ka lebel nga mas paspas kaysa sa world-record pace sa mga elite nga tawo.
Nagpadayon ang nasud sa China sa pag-uswag ug pagpalambo sa humanoid robotics isip usa ka strategic industry, ilabi na alang sa ilang plano nga paggamit niini sa manufacturing, logistics, ug uban pang mga pampublikong serbisyo.
