CEBU CITY – Dako ang kalipay sa pamilya sa mga biktima sa pagpamusil sa Sitio San Roque, Barangay Guadalupe, dakbayan sa Sugbo.
Gibutyag ni Jessam Pega, ang igsuon ni Jenelyn Bontilao, nga samtang gimisahan na ang patay’ng lawas sa iyahang igsuon ug pag-umangkon, nakadawat sila ug tawag nga nagpahibalo kanila patay na ang suspek nga si John Christopher Dejan alyas Janjan Moko.
Matud pa, nakab-ot na sa pamilya ang hustisya ug wala na usab ang ilahang kabalaka nga balikan sila sa suspek.
Gipasalamatan usab niini ang kapulisan nga walay hunong sa pagpangita sa suspek.
Samtang, gipahibalo usab ni Pega nga ang survivor nga 11-anyos niini nga pag-umangkon ang anaa nagpuyo na karun sa amahan ug anaa sa recovery stage.
Sigon pa, tambag sa doktor nga dili angayan nga ma-‘stress’ ang bata arun nga dili maglabad ang ulo niini.
Hangtud karun, wala pa kini nila pahibaw-a sa kamatayon sa inahan ug igsuon gumikan kay mao usab ang tambag sa doktor samtang nagrekober pa ang maong menor de edad.
Kahinumdoman nga niadtong nakalabay nga Lunes sa kadlawn sa nakalabay nga semana kay gipatay ni Dejan ang iyahang kapuyo nga si Jenelyn Bontilao, 31 anyos, nagtrabaho isip promodizer, ug ang anak niini nga si Hannah Oano, 15 anyos, samtang ang usa pa ka anak nga si Joana Ruth, 11 anyos, kay padayon pa ang recovery.
Wala nagdugay ning bag-ohay lang, napatay usab sa kapulisan ang suspek nga si Dejan human kini nga misukol sa kapulisan atol na sa gipahigayon nga operasyon sa gitago-an niini sa Barangay Pasil, ning syudad sa Sugbo.
