Niabot na sa labing menos 60 ka mga tawo ang makagun-ob nga baha nga miigo sa China sa miaging semana.
Diin lakip sa patay ang 31 ka mga tawo gikan sa elderly care home nga nahimutang sa bukirong distrito sa Miyun. Beijing, nga giisip nga deadliest floods nga niigo sa kapital sa China sa mga nilabay nga tuig.
Sa gipaambit ni deputy mayor Xia Linmao sa Beijing nga adunay kinatibuk-an nga 44 ka mga tawo ang namatay ug siyam ka mga tawo ang nawala.
Samtang sa silingang lalawigan sa Hebei, 16 ka tawo ang namatay tungod sa kusog nga pag-ulan.
Walo ka mga tawo usab ang gikataho nga namatay sa lungsod sa Chengde gawas sa Beijing, diin 18 ang missing.
Nag-awas usab ang reservoir taliwala sa mga pag-ulan, nga nakaguba sa mga silingang lungsod. Sa baryo sa Hebie sa amihanan sa reservoir, usa ka pagdahili sa yuta ang mipatay sa walo ka mga tawo ug upat ang nawala.
