Ihap sa mga nangamatay sa kaylap nga pagbaha sa Nepal, misaka sa kapin 200

NEPAL-Miabot na sa labing menos 209 ang ihap sa mga nangamatay sa kaylap nga pagbaha sa tibuok Nepal ug pagdahili sa yuta.

Samtang anaa nalang sa 29 ang gikatahong missing diin gipaningkamutan sa mga rescuers nga makit-an ang ilang mga lawas.

Kahinumduman nga ang katalagman miigo sa daghang mga rehiyon, lakip niini ang Kathmandu Valley.

Samtang, gianunsyo sa gobyerno ang mga temporaryo nga puy-anan alang sa mga nawad-an sa ilang mga balay, ingon man ang tabang pinansyal alang sa mga pamilya sa namatay ug nasamdan.

Gani, mipatawag dayon og emergency meeting si Prime minister Khadga Prasad Oli kinsang gikan sa UN General Assembly arun matubag ang krisis nga giatubang sa nasud.