Gisaulog sa Pilipinas karong adlawa Hunyo 12, 2026 ang ika-128 nga Adlaw sa Kagawasan o Independence Day ubos sa tema’ng “Kalayaan, Kinabukasan, Kasaysayan.”
Ang Independence Day sa Pilipinas gisaulog matag Hunyo 12 aron handumon ang proklamasyon sa kagawasan batok sa Espanya nga gihimo ni Emilio Aguinaldo kinsa ang unang nahimong Presidente sa Pilipinas Osa Kawit, Cavite niadtong 1898. Sa maong seremonya, gi-unfurl ang unang bandera sa Pilipinas ug gi-kanta ang “Marcha Nacional Filipina,” o Lupang Hinirang nga mao karon ang atong national anthem.
Human sa pag-ila sa Estados Unidos sa Treaty of Paris, nasundan kini sa Philippine-American War, apan nagpabilin nga simbolo ang Hunyo 12 sa paningkamot sa mga Pilipino alang sa kagawasan. Niadtong 1964, pinaagi sa Republic Act 4166, opisyal nga gibalhin ang petsa sa Independence Day gikan Hulyo 4 ngadto Hunyo 12 aron ipakita nga ang kalayaan giangkon sa mga Pilipino mismo ug dili gihatag sa langyaw.
Subay sa maong dakong selebrasyon sa nasud karung adlawa, nga nagpasidungog sa sakripisyo sa mga bayani ug sa padayon nga pakigbisog alang sa kagawasan ug demokrasya, ang Department of Labor and Employment kon DOLE, naghatag usab og kapin sa 95,000 ka oportunidad sa trabaho sa 55 ka lugar sa tibuok nasud. Gani gipahimangnoan usab ang mga employer sa hustong holiday pay rules alang sa mga trabahante. Ang selebrasyon nagpadayag sa sakripisyo ug paningkamot sa mga bayani nga nakigbisog alang sa kagawasan sa nasud.
