Niabot na sa labing menos 21 ang patay sa
ikaduhang pinakadako nga aerial assault sa Russia sa Ukraine, lakip ang upat ka mga bata.
Kini ang gikumpirmar ni Tymur Tkachenko, ang pangu sa Kyiv City Military Administration, nga lakip sa namatay sa pag-atake mao ang 12, 14 ug 17-anyos.
Nangaguba usab ang mga building nga iya sa European Union (EU) ug sa British Council.
Diin ang maong pag-atake kay miresulta sa pagpatawag sa mga top diplomats sa EU ug UK sa Russia sa ilang mga kapital.
Sumala sa Ukraine Air Force, ang Russia nagpalupad og 629 ka air attack weapons sa Kyiv sa tibuok gabii, lakip ang kapin sa 500 ka drone ug 31 ka missile.
Sa kiliran sa Russian Defense Ministry, naigo nila ang mga komplikadong negosyo sa industriya-militar ug mga base sa hanging militar sa Ukraine gamit ang taas nga klase nga mga hinagiban.
Ang tigpamaba sa Kremlin nga si Dmitry Peskov mipahibalo nga ang Russia interesado gihapon sa panaghisgot sa kalinaw sa Ukraine apan miinsistir nga ang espesyal nga operasyon sa militar nagpadayon pa.
Ang Presidente sa Ukrainian nga si Volodymyr Zelensky sa sayo pa gisaway ang pag-atake sa kahanginan ingon usa ka “makalilisang ug tinuyo” nga pagpatay sa mga sibilyan.
