Hingpit na ang pagpangandam sa Ilocos Norte alang sa Palarong Pambansa 2025.
Nagkanayon si Ilocos Norte Governor Matthew Joseph Manotoc, nga andam ang probinsiya sa paghatag og dili makalimtan nga kasinatian alang sa 15,000 ka gipaabot nga mga partisipante lakip na ang mga atleta, coaches, ug mga opisyal.
Nakig-alayon usab ang kagamhanang probinsiyal sa Ilocos Norte Electric Cooperative (INEC) ug PrimeWater aron maseguro nga walay hunong ang serbisyo sa mga apektadong lugar samtang ang Ilocos Norte Provincial Police Office midugang sa mga security personnel ug naghimo og traffic flow scheme.
Dugang niya nga andam na usab ang tanang venue ug accommodation sa kompetisyon.
Gisugdan na usab sa Ilocos Norte Tourism Office ang pagpangita og mga balay nga kapuy-an sa probinsiya nga magamit isip homestay sa mga delegado nga adunay saktong lawak, tubig, kuryente, banyo, ug kusina. Apan naghuwat nalang sila sa barangay clearance.
Ang Palarong Pambansa 2025 ipahigayon gikan Mayo 24 hangtod Hunyo 2, 2025.
Sa laing bahin, adunay 289 ka accredited nga tourism service providers sa probinsiya.
Gidasig ni Gobernador Manotoc ang mga residente sa Ilocos sa pag-abli sa ilang mga panimalay aron masinati sa mga bisita ang mainit nga pagkamaabiabihon sa mga Ilokano.
Sa laing bahin, ang engineering ug sports development offices nipahigayon usab ug detalyadong inspeksyon sa mga billeting centers aron masiguro ang kaluwasan sa mga atleta ug ubang mga delegado.
