Kanselado ang mga klase sa tanang level sa mga pribado ug pampublikong tunghaan sa Dakbayan sa Sugbo, karong adlawa, Lunes, Setyembre 21, 2026.
Kini gumikan sa natala nga report gikan sa DENR-EMB7 nga ang Air Quality Index niabut ngadto sa 248 nga pasabot nga kini “Acutely Unhealthy” pasado alas 4 sa hapon sa adlawng Dominggo Setyembre 20.
Hinungdan nga mimando ang kagamhanan sa Dakbayan sa Sugbo, nga magpahigayon ug klase pinaagi sa modular online classes aron sa padayon nga pagtuon,
Samtang giawhag, sa Dakbayan ang mga bata, tiguwang ug mga vulnerableng mga indibidwal nga maglikay sa paggawas, aron malikay sa posibleng epekto sa haze.
Sa pagsuwat niining balitaa, pipila sa mga mikanselar sa klase mao ang Dakbayan sa Mandaue, Dakbayan sa Talisay, Dakbayan sa Lapu-Lapu, ug ang Probinsya sa Sugbo.
