Gipadayag ni Cebu City Councilor Pastor “Jun” Alcover Jr. ang iyang kalagot ug pagkadismaya batok sa Environmental Management Bureau (EMB) tungod sa matud pa pagbalewala o pag-“snub” sa ahensya sa ilang mga gidapit sa dakbayan.
Moduso si Konsehal Alcover og mosyon nga pormal nga mosulat sa labing taas nga opisina sa Department of Environment and Natural Resources (DENR) aron ipadabot ang usa ka “strong complaint” batok sa EMB.
Sumala pa ni Alcover, dili maayo ug daw walay respeto ang gipakita sa EMB sa dihang wala sila mitunga o mitubag sa mga panawagan sa Sanggunian, samtang ang siyudad padayon nga nag-atubang sa seryosong hilosgutan bahin sa kalikopan.
Gisaysay usab sa konsehal, sukad pa niadtong Enero nag-antos ang dakbayan sa pagsulbad sa maong isyu, apan giingong gibalewala lang sa EMB ang ilang tahas ug responsibilidad.
Ingon man nga kung kinahanglan, andam ang konseho nga ipaabot ang maong reklamo sa Kongreso aron mahatagan og daling aksyon ug solusyon ang maong problema.
