Gi-disenyo ang mga detention ponds sa Monterrazas de Cebu aron matubag ang suliran sa pag-dagayday sa tubig gikan sa ibabaw nga bahin ug mosangpot sa pagsaka sa tubig-baha.
Kini ang pagpasabot ni Engr. Ranel Pelpinosas, Construction Head sa Monterrazas Property Group, diin ang gipatuman nga sistema sa mga detention ponds aron hingpit nga masolusyonan ang problema sa pag-agay sa tubig sa ilang sakop nga kalamboan.
Sumala ni Engr. Pelpinosas, ang ilawom sa ilang Catchment 01 gilangkuban og kinatibuk-ang 20 ka ektarya diin gitanom ug gihimo ang kapin sa unom (6) ka mga detention ponds.
Gihimo ang matag pond aron magsilbing dakpahanan o pundohanan sa tubig-ulan nga gikan sa ibabaw nga bahin sa kabukiran.
Gidugang pa niini nga sa higayon nga mapuno ang unang detention pond sa ibabaw, hinay-hinay kini nga moagay paingon sa ikaduha, ikatulo, ikaupat, hangtod nga maabot sa katapusang pond.
Busa, gihimug-atan niini nga pinaagi sa maong lakang, mamahimong ma-kontrolar ang paspas nga pagdagayday sa tubig ug malikayan ang kalit nga pagbaha sa mga kasilinganang dapit.
