Hukman sa Constitutional Court ang impeachment ni South Korean President Yoon Suk-yeol karong Biyernes, Abril 4.
Kini maoy pipila ka buwan human siya gisuspenso nunot sa hamubo nga deklarasyon sa martial law niadtong Disyembre 2024.
Una niini, mahinumdoman nga ang korte mihimo og daghang impeachment hearings aron sa pagtino kon opisyal ba nga tangtangon sa katungdanan si Yoon.
Bisan kung ang Korte sa Konstitusyon mahimo nang magdesisyon sa sayo pa sa Hunyo, diin kasagaran pipila lang ka semana aron ang korte mopagawas sa mga hukom sa nangaging mga kaso sa impeachment sa presidente.
Aron mapalagpot si Yoon sa katungdanan, 8 ka mga mahistrado ang kinahanglang mobotar nga pabor ug kon ang Constitutional Court modesisyon nga pormal nga tangtangon si Yoon sa katungdanan, kini magpahinabog piniliay sulod sa 60 ka adlaw.
Samtang, ang kaalyado ni Yoon, nga si Prime Minister Han Duck-soo, nga gi-impeach usab apan gibalik sa miaging semana human gibasura sa korte ang iyang kaso sa impeachment, ug mao kini ang nagserbisyo isip acting President.
