CARCAR CITY, CEBU- Nagbuy-od sa kaugalingong dugo ang mag-inahan sulod sa ilang panimalay human gipangpamusil-patay sa Barangay Valladolid, Dakbayan sa Carcar niadtong gabii sa Disyembre 11, 2024.
Nailhan ang mag-inahan nga sila si Jennive Abella 38-anyos ug ang anak niini nga si Val 14-anyos.
Samtang ang gitumbok nga suspek mao si Jethor Lapińa kinsang uyab-uyab sa inahan nga gipatay.
Basi sa inisyal nga imbistigasyon nga niadtong higayona kay hubog ang suspek ug nagkalalis kini sa inahan nga biktima hangtod nga mga lanog sa buto sa armas nalang ang nadunggan sa mga silingan.
Matud pa nga giuna og pusil ang uyab sa suspek samtang gisunod pag-patay ang anak nga dalagita.
Dugang sa mga silingan nga ang suspek kay nailhan nila nga hilomon apan lain ang taras sa batasan nga mogawas kung maka-inom na og ilimnong makahubog.
Human sa pag pamusil ang suspek dali ra usab nga nadakpan sa Carcar Police Station.
