Indian professional wrestler Great Khali, gisaway human gialsa sa iyang usa ka kamot ang pinakagamay nga babaye sa kalibutan

Nakaani og pagsaway sa social media si Great Khali, usa ka Indian professional wrestler sa dihang iyang gialsa sa iyang usa ka kamot ang gikonsiderar nga pinakagamay nga babaye sa kalibutan nga si Jyoti Amge.

Nag-viral ang maong video tungod sa pag-lift ni Khali gamit lang ang usa ka kamot apan, bisan paman nga lanog ang katawa ni Amge sa maong video daghang mga netizens ang wala nalipay ug nagpadayag sa ilang kasuko.

Sama nalang sa usa ka komento nga wala’y buot tungod daw igo lang niya gipunit ang babaye kinsang hamtong na ug kinahanglan kini nga respetuhon.

Ang viral video sukad nga gi-post pipila ka adlaw ang milabay sa mga platform sa social media nakakuha og kapin sa 124 milyon views.