METRO MANILA-Gipamatud-an pag-usab ni Speaker Martin Romualdez ang pasalig ug suporta sa Balay sa mga inisyatiba sa administrasyong Marcos Jr. nga gitumong sa pagtabang sa mga mag-uuma sa pagpauswag sa ilang produksyon.
Kini human giubanan sa Speaker si Presidente Ferdinand Marcos sa pag-turnover sa 148 ka bag-ong nakuha nga heavy equipment nga nagkantidad og P782 milyones alang sa National Irrigation Administration and Construction City sa Mexico, Pampanga.
Ang pag-angkon og bag-ong mga excavator, trailer trucks, ug dumpers, mao ang ikaduhang hugna sa 3-Year Refleeting Program sa NIA nga gamiton alang sa operasyon ug pagmentinar sa mga sistema sa irigasyon sa tibuok nasod aron matabangan ang mga mag-uuma sa pagpausbaw sa ilang produksyon.
Gihisgutan sa Speaker ang kamahinungdanon sa sektor sa agrikultura aron masiguro ang seguridad sa pagkaon, makab-ot ang malungtarong pagtubo ug mapauswag ang panginabuhi sa mga mag-uuma.
Ingon man ang pasalig nga ang gisugyot nga P6.352 trilyon nga nasudnong pundo, adunay alokasyon aron mapalig-on ang sistema sa irigasyon sa nasud.
