Mitaliwan na ang international boxing referee nga si Bruce McTavish sa edad nga 84-anyos.
Gikumpirmar sa iyang pamilya ang iyang kamatayon sa Angeles City, Pampanga.
Natawo sa Auckland, New Zealand niadtong Oktubre 11, 1940, ug nahimo siyang naturalized citizen niadtong 2018 human sa 51 ka tuig nga pagpuyo sa Pilipinas.
Nagtrabaho siya sa Pampanga isip office manager sa usa ka American automobile manufacturer sa Clark sa wala pa nahimong professional referee.
Nahimo kining referee sa dul-an 150 ka away, lakip ang away ni Manny Pacquiao sa kanhi world champion nga si Oscar Larios niadtong 2006.
Si McTavish usa ka tulo ka higayon nga World Boxing Council Referee of the Year (2013, 2015 ug 2017).
Ingon man nga siya usab ang unang referee sa women’s boxing world title fight tali ni Siriporn Thaweesuk ug Ayaka Miyano sa Bangkok, Thailand niadtong 2006.
Karon, anaa kini gihaya sa Divine Mercy sa Carmenville, Angeles City samtang ang iyang lubong karong Hulyo 20.
