International Olympic Committee, ilisan ang mga medalya ni US swimmer Hall human naapil sa sunog sa Los Angeles

Misaad ang International Olympic Committee (IOC) nga ilisan ang mga medalya ni American swimmer Gary Hall Jr. nga nasunog sa wildfire sa Los Angeles.

Matod sa presidente sa IOC nga si Thomas Bach, ilang ihatag ang Hall replicas sa 10 ka Olympic medals nga naugdaw sa sunog.

Nakigsangka ang American swimmer sa Olympics niadtong 1996, 2000 ug 2004, diin nakadaog og total nga lima ka bulawang medalya, tulo ka silver ug duha ka bronze sa Atlanta, Sydney ug Athens.

Ingon man nga hilabihan nga naguol ang 50-anyos nga atleta tungod nawad-an na kini og balay ug wala usab niini naluwas ang iyang mga nalangkat nga medalya.