LAPU LAPU CITY-Nag-atubang og kasong Grave scandal ang 20-anyos nga Japanese National human kini gipasanginlan nga nagduwa sa iyang kinatawo samtang anaa niini sa iyang kiliran ang 29-anyos nga babaye.
Mao kini ang gikumpirmar ni Police Lieutenant Colonel Christian Torres ang tigpamaba sa Lapu-Lapu City Police Office nga ang maong hapones gikan sa kaulohan ug paingon kini sa Sugbo.
Matud pa nga ang babaye nga katapad niini ang maong mireklamo human nga naaktuhan ang milagro nga gibuhat sa langyaw ug naaktuhan mismo ang paglingaw-lingaw sa iyang binuhi.
Ingon man nga tungod sa pagreklamo sa maong babaye ngadto sa mga staff sa airline ug sa piloto, dali kining gipaubos sa citizen’s arrest.
Gani, ang piloto dali usab nga nakig-alayon sa Aviation Security Unit-7 hinungdan nga gisikop kini sa dihang mitugpa na ang gisakyang eroplano sa Mactan Cebu International Airport ug gi-turn over sa LLCPO.
