CEBU CITY-Sikop ang usa ka Japanese National sa gipahigayong entrapment operation sa CIDG 7 pasado ala una kaganihang hapon sa siyudad sa Lapulapu. Kini human nga gireklamo sa usa ka 15 anyos nga dalagita nga giingong gi-molestoya sa nahisgutang langyaw. Ang suspek giila nga si Takeshi Kon 50 anyos ug manager sa usa ka hotel sa Cebu ng gipanag-iya sa iyang higala nga Japanese.
Matud ni P/Supt. Royina Garma ang director ng CIDG 7 nga una na nga midangop sa buhatan Lapulapu City Police Office ang biktima kauban ang iyang inahan pipila ka adlaw human ang giingong pagmolestiya kaniya sa Japanese National. Dugang pa ni Garma nga nahitabo ang maong insidente niadtong mi-agingbuwan kung diin gipa-ila-ila ang biktima sa iyang menor de edad usab nga higala sa naasoyng langyaw.
Giingong gisuwayan pa pagdala ang biktima sa usa ka hotel apan wala kini tuguti nga mu check-in tungod kay menor de edad pa ang kauban niini hinungdan nga sa sakyanan na lang sa suspek giingong gihilabtan biktima
Nasayran nga gihatagan sa Japanese National og 1000 pesos ang biktima isip bugti sa nahitabo kabayaran sa nangyari.
Naglisod pa ang CIDG sa pag trace sa identity sa maong langyaw gumikan kay alyas lang ang pagpaila niini sa biktima ug dili usab makita ang pangalan niini sa Bureau of Immigration.
Apan kagahapon gikontak sa langyaw ang biktima tungod kay giingong gusto napud niini nga makigkita ug didto na nakahigayon ang CIDG na planohon ang usa ka entrapment operation.
Giingon sa hepe sa CIDG-7 nga nasikop mismo nila sa akto ang suspek nga gisuwayan na usab nga hilabtan ang biktima sulod sa sakyanan niini.
Migawas usab sa medical examination sa biktima nga may sexual exploitation gyud nga nahitabo.
Samtang nagdumili sa paghatag og pamahayag ang Japanese National kalabot sa moang hitabo.
Kaso nga paglapas sa Republic Act 7610 o child abuse ug R.A 8353 o Rape ang kaso nga nakatakda nga ipasaka batok sa langyaw.
