Gibutyag sa singer ni Jonalyn Viray o mas nailhan nga si Jona nga nakasinati kini og sexual abuse gikan sa kamot sa iyang kaugalingong amahan niadtong 10-anyos palang kini.
Kini ang iyang gipaambit kung nganong gitawag kini nga “Fearless Diva” sa iyang mga kaedad.
Dugang niini nga sa una wala pa niya naamguhan ang maong angga apan karon kay Nakita na niya ang katuyoan sa ‘Fearless Diva’ nga tungod kini sa iyang kaisog nga magpadayon bisan paman sa iyang dili maayo nga kasinatian sa kamot sa iyang amahan.
Sumala sa singer, ang mga pagsulay sa pag-abuso nagsugod sa dihang ang iyang inahan mibiya sa pamilya tungod sa kanunay nga mga away sa iyang ginikanan.
Si Viray, usa sa mga bantogang mang-aawit sa Pilipinas nga gidayeg tungod sa nindot nga tingog. Nagsugod ang iyang karera sa entertainment isip usa ka contestant sa unang season sa “Pinoy Pop Superstar” niadtong 2004, diin sa katapusan siya ang midaog.
