CEBU CITY-Giandam sa Sawang Calero police station ang kaso batok sa naka bangga patay kang Ronnie Taneo kinsa kabanay sa barangay treasurer sa Barangay Hilotongan sa lunsgod sa Cordova.
Dugang pa, nga mopasaka og kaso ang kabanay ni Taneo tungod sa gidangatan niini.
Sa pikas bahin, ang inahan sa driver sa pribadong sakyanan mibisita usab sa iyahang anak nga nga si Christian Joshua Canoy Abrasaldo ug mipahibawo nga makig settle sila sa mga biktima sanglit andam nila nga tubagon ang mga galastohan niini sama sa pagpalubong sa duha ka biktima nga nakalas nga silang Ronnie Taneo ug Rodrigo Gao Jr.
Apan, gitino sa Sawang Calero police station, nga ilaha gyud nga ipasaka ang kasong Reckless Imprudence Resulting in Double Homicide ug Multiple Physical Injury ngadto sa korte.
Matod ni Police Major Farncis Renz Talosig ang hepe sa Sawang Calero police station 6 nga didto na sa korte mo settle ang kabanay sa suspetsado.
Una niini, Patay ang duha samtang lain pang tulo ang nalandig sa tambalanan human nga gidasmagan sa usa ka naghaguros nga pribadong sakyanan sa dalan C. Padilla, Barangay San Nicolas Proper, dakbayan sa Sugbo.
