Nakasinati ug pagpanugdog ug grabeng pagbunok sa uwan ang pipila ka lugar sa Probinsya sa Sugbo, lakip na ang mga nagkadaiyang Dakbayan, hilabi na sa downtown area ug silingang Dakbayan sa Mandaue, kagahapon sa hapon Lunes, Setyembre 21, 2026.
Kini gumikan adunay nasigpatan nga Low Pressure Area, 1,935 km. East of Eeastern Visayas gawas sa Philippine Area of Responsibility, nga gilauman nga mokusog pa hangtod na sa Tropical Depression.
Matud ni Engr. Alfredo Quiblat Jr. ang Chief PAGASA Visayas Regional Services Division, nga ang agianan mismo sa LPA, maoy posibleng rason sa nasinati nga mga pag-uwan matag-adlaw sa takna sa hapon, dugang usab niini ang padayung pagkasinati og localized thunderstorms nga mo resulta sa mga pagbaha sa Dakbayan.
Sigon sa PAGASA nga possible gihapon ang mga pag-ulan sa mga mosunod nga mga adlaw, hilabi na sa adlawng Huwebes, Setyembre 24, sa pagsulod sa LPA.
Hinoun, wala pay kasiguradohan ang pagland-fall niini, apan lauman ang paglihok sa maybahin sa North East Luzon nga posibleng makaapekto sa weather system sa Visayas.
