Gilauman sa Philippine Atmospheric, Geophysical and Astronomical Services Administration kon PAGASA Mactan-Visayas nga posibleng adunay motumaw nga mga bagyo sa unang semana sa buwan sa Agusto,
Kini ang gibutyag ni Engr. Alfredo Quiblat Jr. atol sa pagpakighinabi sa Bombo Radyo Cebu, nga posibleng magpadayun ang mga pag-ulan sa mga mosunod nga adlaw, gumikan sa nasinati nga localized thunderstorms sa pipila ka bahin sa kabisay-an, lukop ang Probinsya sa Sugbo.
Matud niini, nga lauman pa ang mga pag-ulan og pagpanugdog gumikan kay gawas sa nasinating localized thurnderstorms mugna sa pagpakusog sa habagat, aduanay Low Preasure Area, ang nasigpatan sa bahin sa Eastern Visayas ug sa Mindanao.
Dugang ni Engr. Quiblat, lauman nga mahilis ra ang mismong LPA sa mosunod nga adlaw gumikan kay ubos ang tsansa niini nga mahimong bagyo, apan mipahimangno nga dili gihapon angay nga mo kompiyansa gumikan sa nagpadayung habagat.
Gihimug-atan niini nga ang buwan sa Hulyo ug Agusto maoy sagad nga makasinati og mga grabeng pag-uwan hilabi na sa panahon sa hapon ug gabie gumikan sa pagtumaw sa localized thunderstorms.
Mensahi usab niini sa publiko nga makanunayong magmonitor sa weather updates sa PAGASA Visayas ug mga pahimangno sa Disaster Team aron paglikay sa mga kadaot ug peligro.
