PROVINCE OF CEBU- Miduso og aplikasyon alang sa pagpasaka sa toll fee o singil sa pag-agi ang Cebu-Cordova Link Expressway Corp. (CCLEC) kinsa nagdumala sa Cebu-Cordova Link Expressway (CCLEX) ngadto sa Local Toll Regulatory Council (LTRC).
Matod pa nga tungod kini sa taas nga operational standards sa 8.9-kilometro nga taytayan nga nagsumpay sa dakbayan sa Sugbo ngadto sa lungsod sa Cordova sa isla sa Mactan.
Apan, ang maong mosyon gikasubo sa pipila ka mga commuter ilabi sa mga tinun-an hinungdan nga mipatunga na ang Cebu Provincial Board sa maong pagtuki sa toll fee adjustment.
Sa pakighinabi sa Bombo Radyo Cebu kang Cebu 6th District Board Member Glenn Anthony Soco, kinsang Chairman sa Committee on Budget and Appropriations sa Sagguniang Panlalawigan sa Sugbo diin giimbitar niini ang kadagkuan sa CCLEC arun matubag nag mga pangutana ug mahatagan og katin-awan ang katawhan sa pagsaka sa toll fee.
Ingon man nga mahitabo ang ilang pagtuki sa sesyon sa konseho sa probinsya sa Sugbo sa umaabot Oktubre 14 tali sa CCLEC ug sa Sagguniang Panlalawigan sa Sugbo.
