Subsob na ang pagpangandam sa Kagamhanan sa Dakbayan sa Sugbo, alang sa umaabot nga Association of South East Asian Nations Summit, sa buwan sa Mayo.
Matud ni Cebu City Mayor Nestor Archival, nga nangandam na ang kagamhanan alang sa pag-abut sa mga delagado nga mosalmot sa 48th-ASEAN Leaders Summit, nga ipahigayon sa Sugbo.
Lakip sa gipangandaman sa kagamhanan mao ang pagpanglimpyo sa latasanan sa mga tourista nga posibleng mobisita sa dakbayan panahon sa kalihokan.
Pipila sa mga palimpyohan sa kagamhanan ang mga lugar doul sa South Road Properties, Cebu-Cordova Link Expressway (CCLEX), City Hall ug mga Tourist spots sa dakbayan nga posibleng duawon sa mga delegado.
Apan gipahibalo ni Archival, nga wala ra kaayu’y partisipasyon ang Dakbayan sa ASEAN Summit gumikan kay sagad sa mga meetings niini sa Dakbayan sa Lapu-lapu ipahigayon.
Gikatakdang ipahigayon ang ika-48th ASEAN Leaders Summit sa umaabot Mayo 7-9, 2026.
