MANDAUE CITY,CEBU-Gisugdan na ang Media Launching sa kagamhanang dakbayan sa Mandaue atol sa pagsaulog niini sa ika-55 nga Charter Anniversary karong Agosto 30, 2024, kagahapong adlawa Biyernes, Agosto 9, 2024.
Adunay labing menos 32 ka mga kalihokan nga ipahigayon sa tibuok buwan sa Agosto hangtod kini sa unang semana sa Septiyembre.
Nigahin ang dakbayan sa Mandaue og P20 milyones alang sa tanang kalihokan alang sa pagsaulog sa Charter Day niini.
Ang mga highlight sa mga kalihokan naglakip sa groundbreaking sa bag-ong government center karong Agosto 29 sa Cebu International Convention Center (CICC), partisipasyon sa Pasigarbo sa Sugbo karong Agosto 25, ug ang Move Mandaue Concert Night nga naglakip ni Jason Marvin, ang estranged husband sa singer. Moira Dela Torre sa umaabot Agosto 24.
Samtang, ang ubang mga aktibidad alang sa Charter Anniversary mao ang E-Games, Charter Month Opening Parade, Start-Up Innovation Summit, push bike race, PWD sitting volleyball, ug basketball, Lupon Tagapamayap Incentive Award sa DILG, Liga ng mga Barangay Off Road Challenge, National Heroes Day Celebration, Airsoft Pistol Competition, Dragon Boat, Lawn Tennis Competition, ug Charter Day Celebration ug uban pa.
Ang tanan nga mga kalihokan abli ug libre alang sa publiko.
