Giasoy ni Che Caballero ang Bombo International News Correspondet sa Israel nga sugod kagahapon sa alas 8:00 sa buntag, Marso 1, walay hunong ang buto-buto nga ilang nadunggan ug nagpadayon kini nilang nadunggan partikular sa iyang nahimutangan sa Til Aviv, Israel hangtud kagabii, ug mobinta lang og usa ka oras, balik na usab ang makahadlok nga mga pagbuto sa palibot.
Mao kini ang iyang naasoy atol sa ekslusibong pakighinabi sa Bombo Radyo Cebu newsteam kaniya aron sutaon kung unsa na ang ilang kasamtangang kahimtang sa naasoyng dapit, taliwala sa padayong hulga sa palibot.
Dugang ni Caballero nga kaganinang bunta ra karong adlawa, Marso 2, ang makonsiderang taas og binta sa oras nga modagan og dul-an lima ka oras sa wala pa mobalik ang mga buto-buto sa palibot.
Tungod niini, gipaambit ni Caballero nga sa maong panghitabo, wala sila makabaton og tarung nga tulog subay sa hulga nga ilang nabati.
Sa pikas nga bahin, ekslusibong usab nga nahinabi sa Bombo Radyo Cebu newsteam si Nicole Bedtao, ang Bombo International News Correspondet sa Abu Dhabi, subay sa pakigsuta kung unsa na ang ilang kasamtangang kahimtang, taliwala sa padayong hulga sa palibot.
Sumala ni Bedtao, matag tagak sa mga ballistic missle duol sa ilang nahimutangan sa Abu Dhabi, bisan anaa siya sa ground floor sa balay sa iyahang amo, gipa andar na ang mga ventilatior, madungog gihapon nila ang mga buto-buto sa ilang palibot, ingun man ila usab nga makita ang mga pulbora sa mga gipabuto sa kawanangan.
