Naghulga ang Israel nga ibalik ang Iran sa “dark ages,” samtang nagkagrabe ang tensyon tali sa duha ka nasud.
Kini ang pahayag nga gihimo ni Israeli Defense Minister Israel Katz, kinsa miingon nga ang ilang militar andam na nga ipadayon ang opensiba batok sa Iran.
Si Katz miingon usab nga “The targets are marked” ug naghulat lang sila sa pagtugot sa U.S. aron ipadayon ang operasyon.
Gidugang sa opisyal sa Israel nga ang ilang tumong mao ang hingpit nga pagpukan sa liderato sa dinastiya ni Khamenei.
Samtang, si Israeli Prime Minister Benjamin Netanyahu gilauman nga makigkita sa mga taas nga opisyal sa seguridad aron hisgutan ang sitwasyon sa Israel ug Lebanon.
Ang tensyon tali sa Estados Unidos, diin gisakmit sa US ang mga barko nga giingong nagdala sa lana sa Iran, samtang gisirhan sa Iran ang Strait of Hormuz.
Bisan pa sa nangaging mga pag-atake sa Israel nga nakapatay sa daghang mga senior nga opisyal sa Iran, ang gobyerno sa nasud nagpabilin nga lig-on. Apan bisan pa, si Katz nagpasidaan nga ang sunod nga pag-atake mas brutal ug hinungdan sa dugang nga kadaot.
