LAPU-LAPU CITY-Padayong gitutuokan sa mga kadagkoan sa Lapu-Lapu City Police Office ang ilahang kampanya batok krimen ug kalapasan sa ordinansa.
Kini taliwala sa mga kalihukan nga may kalabutan ang pagpangampanya pipila ka adlaw sa dili pa ang Barangay at Sangguniang Kabataan Elections (BSKE) 2023 karung umaabot nga Oktubre 30.
Mao kini ang gibutyag ni Plt. Col. Christian Torres, ang tigpamaba sa Lapu-Lapu City Police Office atol sa gipahigayong accomplishment report ni Col. Lim.
Matod pa nga sa kasamtangan daghan gihapon silang nadakpan nga may kalambigitan sa iligal nga drugas, sugal, dili lisensyadong armas, mga wanted persons, ug mga taw nga milapas sa nagkadaiyang ordinansa sa milabay nga semana.
Dugang sa opisyal nga adunay kinatibuk-ang 24 ka mga indibidwal ang nasikop sa 13 ka mga operasyon, kung diin naka-kumpiskar sila og mga gambling paraphernalias sa nakalabay nga bulan.
