CEBU – Mitaliwan gahapong adlawa Hulyo 19, 2021, sa edad nga 82-anyos ang kanhi Cebu Governor nga si Emilio “Lito” Osmeña.
Kini mismo ang gikumpirma sa anak niini nga si Mariano “Mimo” Osmeña pinaagi sa facebook post nga adunay caption nga “So long Dad! You will always be part of us. Thank you is not enough!”
Sapagkakaron, wala pa dugang detalye ang pamilya sa kamatayun ni Osmeña.
Nahimong gobernador sa Probinsya sa Sugbo si Osmeña niadtong tuig 1988 ngadto na sa 1992. Kini usab ang nahimong founder sa Provincial Political Party nga Probinsya Muna Development Initiatives o PROMDI.
Sa panahon sa Martial Law niadtung 1970s kay nahimong kining political prisoner sa Fort Bonifacio sa wala pa ang house arrest.
Nidagan usab kini sa pagka-bise presidente ubos sa presidential candidate nga si Former President Fidel Ramos. Apan napilde kini ni Joseph “Erap” Estrada kinsang napilian usab nga presidente sa nasud sa mosunod nga katuigan.
Bisan paman og napilde kini kay usa kini sa mga nahimong economic adviser ni Ramos.
Si Lito usab ang nagpaluyo sa “Ceboom” o ang panahon sa rapid economic progress sa Cebu diin kini ang mga sikat nga proyekto niini ang transcentral highway, ang Cebu business park ug pipila ka mga BPOs.
