CEBU CITY – Sikop ang kanhi driver ug sinaligan sa self conferssed drug lord sa Sugbo nga si Franz Sabalones sa gipahigayon nga search warrant implemetation sa Sitio Nonoc, Brgy Tabunok dakbayan sa Talisay.
Ang subject sa search warrant mao si Gonzalo Echavez Abellana II, 38 anyos ug residente sa naasoy nga lugar. Ang maong operasyon ang pinasikad sa search warrant kabahin sa kalapasan sa RA 9165 (Comprehensive Dangerous Drugs Act of 2002) nga giluwatan ni Hon. Judge Leopoldo Cañete sa RTC Branch 60 sa lungsod sa Barili.
Matud ni Police Captain Alejandro Batobalonos , ang hepe sa Provincial drug Enforcementy Unit sa Cebu Provincial Police Office nga nalakip sa High Vnalue Trget sa kapulisan ang subject nga si Abellana. Dili matud pa muubos sa 5 grams sa shabu ang ma dispose niini matag semana. Dako usab ang pagtuo ni Batabalonos nga gikan ni Sabalones ang supply niini sa iligal nga drogas.
Nakuha gikan sa dinakpan ang 275 gramos sa iligal nga drugas nga dunayb DDB value nga P1.8M lakiop na ang usa ka airsoft pistol ug magazine. Nagdumili usab sa pagkomento si Abellana sa kaso nga gikalambigitan niini
Temporaryo nga e detain sa holding facility sa Cebu Provincial Police Office si Abellana samtang giandam ang tukmang kaso nga ipasaka batok kaniya.
