CEBU CITY-Sikop ang kanhi Mayor sa lungsud sa Medellin sa gipahigayon nga hiniusang operasyon sa Regional Intelligence Division 7, Regional Special Operations Group 7, Provincial Public Safety Company , Provincial Drugs Enforvement Unit ug Provincial Intelligence Branch ng Cebu Provincial Police Office sa Brgy. Kaputatan Sur Medellin Cebu.
Pasado 6:00 ganihang buntag sa dihang gi raid sa mga otoridad ang panimalay ni kanhi mayor ug karon Medellin Municipal Councilor Ricky Ramirez , pinasikad sa search warrant nga giluwatan ni Executive Judge acinto Fajardo ng Branch 66 Talisay City RTC.
Matud ni Police Supt Joie Yape Jr, ang hepe sa PIB nga nakadawat sila og impormasyon gikan sa mga una na nilang nadakpan nga mga baranggay officials sa nahisgutang lungsod nga adunay gihuptan nga dili lisensyadong armas si Ramirez.
Matud pa nga givalidate kini sa kapulisan pinaagi sa paghimo ug imbestigasyon usa nila gipahigayon ang maong operasyon. Nakuha sa mga kapulisan ang 8 ka mga nagkadaiyang klase sa armas diin 6 niini mga high powered firearms. Gwas sa mga armas, nakuha usab ang mga drug paraphernalia sama sa tooter, used tin foil ug weighing scale.
Matud pa ni Yape nga gihimakak ni Ramirez nga iyaha ang mga drug paraphernalia ug matud pa nga nabiyaan lamang kini sa iyang mga tawo. Mibalibad na usab sa paghatag ug dugang komento si Ramirez kalabot sa kasong gikalambigitan niini.
Sa pagkakaron naa na sa kustodiya sa PIB si Ramirez ug gi andam na ang tukmang kaso nga ipasaka batok kaniya.
