Kanhi-Negros Oriental Cong. Arnie Teves, posibleng makauli na sa Pilipinas sa Hulyo

Masaligon ang Department of Justice nga mahibalik sa Pilipinas si kanhi Negros Oriental 3rd District Rep. Arnolfo Teves Jr. gikan sa Timor Leste.

Matod ni DOJ spokesperson Mico Clavano, kini alang sa kanhi magbabalaod nga atubangon ang lut-od nga kaso nga gipasaka batok kaniya may kalabotan sa pagpatay kang Negros Oriental Governor Roel Degamo.

Gidugang sa opisyal nga gikinahanglan nga mga rekisitos aron masiguro ang kadaugan sa extradition case nga gipasaka sulod sa 40 ka adlaw nga deadline.

Adunay 30 ka adlaw nga deadline ang kampo ni Teves sa pagsang-at og Motion for Reconsideration sa Extradition Request batok kaniya.

Gipasalig sa DOJ nga ang hangyo sa political asylum ni Teves sa Timor Leste dili makaapekto sa iyang kaso sa extradition.