Gawasnon na ang nakonbikto nga kanhi Prime Minister sa Thailand nga si Thaksin Shinawatra gikan sa prisohan sa Bangkok human gitugotan nga makompleto ang nahibiling upat ka bulan sa iyang usa ka tuig nga sentensiya sa parole, sumala sa report sa state media.
Ang footage nga gipasalida sa state broadcaster nga Thai nagpakita kang Thaksin nga migawas sa Klong Prem Central Prison uban sa mga pag-abiba sa mga supporters ug usa ka emosyonal nga panagkita pag-usab uban sa mga miyembro sa pamilyang Shinawatra, lakip ang iyang anak nga babaye, ang kanhi Prime Minister nga si Paetongtarn Shinawatra.
Usa ka dakong panon sa mga supporters, kadaghanan nagsul-ob og pula, ang kolor nga nalangkit sa nagmando nga partido nga Pheu Thai, nagtigom sa gawas sa prisohan aron abi-abihon si Thaksin taliwala sa hugot nga seguridad.
