Gihimug-atan sa kanhi Speaker ug Leyte Rep. Martin Romualdez nga limpyo ang iyang konsensya ug nga nagpabilin siyang abli ug andam nga mokooperar sa bisan unsang imbestigasyon nga may kalabotan sa giingong mga iregularidad sa mga proyekto sa Department of Public Works and Highways (DPWH) nga giimbestigahan sa Independent Commission for Infrastructure (ICI).
Sumala ni Romualdez, boluntaryo siyang mitungha ug miagi sa proseso sa pagpangita og kamatuoran sa ICI, nagpabilin sa nasud, ug boluntaryong mihatag sa iyang bahin sa tanang yugto sa proseso.
Gipasalig usab niini nga hangtod karon, walay masaligan nga ebidensya nga gipresentar nga naglambigit kaniya sa bisan unsang anomaliya, ug gireport usab niya nga ang kaso anaa na karon sa Office of the Ombudsman alang sa mas hingpit nga pagrepaso ug pag-analisar.
Gipahayag sa kongresista ang hingpit nga pagsalig sa imbestigasyon sa Ombudsman ug nagtuo nga ang kamatuoran mogawas pinaagi sa patas nga pagsusi sa mga rekord.
Apan, gahapon sa buntag lang, gipahibalo ni Presidente Ferdinand Marcos Jr. nga ang ICI ug DPWH nagrekomendar sa pagpasaka og mga kaso batok kang Romualdez ug Co.
