Kanhi spy chief sa Germany, sikop sa mga otoridad

Gidakop sa mga awtoridad sa Germany ang kanhi pangulo sa mga espiya nga si August Hanning tungod sa mga kasong espionage, treason, ug paghupot og mga classified information gikan sa laing nasod.

Sumala sa Federal Prosecutor’s Office sa Germany, giingong gigamit ni Hanning ang mga classified information sa paniktik aron maghimo og pagtuki alang sa usa ka langyaw nga ahensya sa paniktik ug nagpadayon siya sa pakig-alayon sa laing langyaw nga ahensya sa mga espiya.

Gidakop si Hanning sa iyang pinuy-anan sa Nordwalde, diin gidakop usab ang iyang kanhi empleyado nga si Manfred D.

Nagserbisyo si Hanning isip pangulo sa Federal Intelligence Service (BND) gikan sa 1998 hangtod 2005.

Ang duha ka lalaki gikatakdang moatubang sa korte karong Miyerkules.