Usa ka dakong sunog sulod sa halapad nga poutry farm sa southwestern Poland ang mipatay sa 100,000 ka mga manok sumala pa sa mga awtoridad niadtong Biyernes, Oktubre 24, 2025.
Ang sunog mitumaw niadtong pasado alas 6 sa gabii sa adlawng Huwebes (oras sa Poland) sa usa ka building nga gipuy-an sa mga manok sa Falkowice village.
Gibana-bana sa mga kapulisan nga anaa sa 130,000 ka mga manok ang anaa sa maong paislidad apan bana-bana sa mga kabumberohan kay miabot kini sa 150,000.
Gani duna pay ubang bana-bana nga miabot ang ihap sa 400,000 ka mga manok ang namatay sa sunog.
Maayo nalang og walay natala nga naangol nga tawo sa maong panghitabo diin adunay kinatibuk-ang 45 ka mga fire units ang miresponde tungod sa kadako niini.
Padayon pang gisuta ang gipasiugdahang imbestigasyon sa maong panghitabo diin sa maong nasud kay giila ang poultry farming isip dakong bahin sa ilang sektor sa agrikultura diin ikaduha kini da tibuok European Union nga exporter sa itlog.
