CEBU CITY-Sikop ang usa ka Regional High Value Target (HVT) atol sa gipahigayon nga buy bust operation sa Talamban PS sa may Upper Don Bosco , Brgy. Apas dakbayan sa Sugbo.
Ang dinakpan naila nga si Dennis Velasquez alyas ‘Baktoy’, 37-anyos ug residente ra usab sa nahisgutang lugar.
Nakuha sa posisyon ni Velasquez ang 7 ka medium size sa gitoohang shabu ug lakip sa nakuha mao ang P12,000 nga buybust money. Nitimbang og 150 gramos ang nakuha nga shabu ug gibana-bana nga nagkantidad ug kapin P1-M.
Matud pa sa arresting officer nga si PCorporal Radjie Sigue, sa Talamban PS nga taod-taod na nila nga gi-monitor ang maong dinakpan ug nasuta nga usa matud pa kini dako’ng supplier.
Sa pagkakaron, gisuta pa sa Talamban PNP ang source ni Velasquez sa gibaligya niini nga ginadili’ng drugas.
Kasong kalapasan sa RA 9165 ubos sa Sec. 5 ug 11 ang ipasaka batok sa dinakpan.
