Kapin sa 40 ka mga atleta nga mga players sa Paris Olympics ang nagpositibo sa Covid-19.
Lakip sa mga atleta nga nagpositibo mao ang mga high-profile nga atleta.
Diin nag-una niini ang British swimmer nga si Adam Peaty kinsang midaog og silver sa 100m breaststroke ug giingong paghuman sa iyang duwa, nagkasakit na kini.
Bisan ang Australian swimmer nga si Lani Pallister, wala mopadayon sa iyang women’s 1500m freestyle event human siya nasakit, ingon man nga usa siya sa mga gilauman sa Australian team nga makalangkat og medalya.
Hinungdan nga gipahimangnoan sa World Health Organization (WHO), nga padayon pa nga nagtuyok ang virus sa Covid busa kinahanglan nga mag-amping ang matag atleta.
Gitambagan sa WHO ang mga nasud sa pagpalapad ug pagpalig-on sa ilang mga sistema sa pagtubag batok sa nasangpit nga sakit.
