Gikataho sa Philippine National Police (PNP) nga mikabat na sa kapin 400 ka mga gasolinahan sa tibuok nasud ang gisirad-an tungod sa padayon nga pagsaka sa presyo sa krudo ug mga produktong petrolyo.
Matud ni PNP Spokesperson at Public Information Office Chief PBGen. Randulf Tuaño, kini nga numero halos nadoble gikan sa kapin 270 ka mga gasolinahan nga gisirad-an sa miaging semana.
Basi sa datos, ang National Police nagpadayon sa pagmonitor sa kapin 14,300 ka mga gasolinahan sa tibuok nasud aron mapugngan ang hulga sa pagpangwarta ug pagtago sa mga butang.
Sa laing bahin, sa pakigtambayayong sa Department of Energy (DOE), ang mga awtoridad nag-imbestiga na sa hinungdan sa pagsira sa mga gasolinahan aron masiguro nga kini wala’y kalabotan sa pagpahimulos o pagtago sa mga suplay.
Samtang, tulo ka mga kaso ang napasaka na nga may kalabotan sa ilegal nga pagbaligya sa lana, pagtago ug pagpangwarta, nga natala sa Nueva Vizcaya ug Eastern Samar ug sa Albay.
