Nakagasto na ang Commission on Elections (Comelec) nakagasto na og kapin sa P8 bilyon sa nagpadayon nga pagpangandam alang sa umaabot nga Barangay ug Sangguniang Kabataan Elections (BSKE).
Ang maong eleksyon gikatakda sa unang semana sa Nobyembre 2026, apan adunay sugyot nga i-postpone kini pag-usab.
Matud ni Comelec Chair George Garcia nga ang dakong bahin sa pundo sa komisyon nagasto na sa pag-andam sa mga gamit sa eleksyon sama sa pag-imprinta sa balota.
Sa pagkakaron, aduna pa’y nahibiling P11 bilyon nga pundo nga gigahin sa komisyon isip honoraria sa mga magtutudlo nga moserbisyo sa eleksyon, pundo alang sa ilang pagbansay, ug magamit sa pag-deploy sa mga kagamitan.
Ingon man nga ang Senado gikatakdang maminaw sa umaabot nga mga semana sa sugyot nga i-postpone ang BSKE 2026, ug sumala ni Garcia, motambong siya sa maong hearing aron ipahibalo ug ipresentar ang kaandam sa komisyon.
Sumala ni Chairman Garcia, basta dili kanselahon ang eleksyon, ang komisyon magpadayon sa pagpangandam niini, lakip na ang paghimo og daghang mga contingency measures.
Nobyembre ang panahon sa baha ug gusto sa komisyon nga adunay mga plano sa pag-andam kung adunay mga baha sa dili pa ug sa adlaw mismo sa eleksyon.
Hapit 70 milyon nga mga Pilipino ang kwalipikado nga mobotar sa BSKE 2026, base sa mga rekord sa COMELEC.
